Ā te Paraire ka whakapōtaetia te Rāngai i Te Kāreti o Te Karauna mō Ngā Pirihimana o Aotearoa
Ka kopoua ngā pirihimana hou o te Rāngai 352 ā te Paraire, ā, ka whakapōtaetia i Te Kāreti o Ngā Pirihimana i Porirua.
Ka tae atu a Minita mō Ngā Pirihimana a Poto Williams, Kairangi o te Rāngai a Linda Clark, me te Kōmihana a Andrew Coster ki te whakapōtaetanga. Ka tukuna ngā mema o te rāngai ki ngā rohe puta noa i Aotearoa, ā, ka tīmata hei te 11 Āperira. He nui ngā kokenga o tēnei rāngai.
Mārama kehokeho ana te huarahi mā ngā mema rāngai e rua, tētahi nō te kaupapa Huarahi Pirihimana ka whakapōtaetia hei pirihimana.
Ko tā Te Huarahi Pirihimana he āheinga mō ngā tauira tau 13 kia mārama ai ki ngā mahi a te pirihimana,he māramatanga anō hei ara pirihimana mōna, ā, ka whai whiwhinga i reira anō hoki. I tēnei wā, 95 ngā kura puta noa i te motu e mahi tahi ana ki Ngā Pirihimana, ā, kei te eke panuku te kaupapa nei.
Kua nui ake ngā tauira e aro haere ana ki te hātepe o te kimi ika tauhou, ā, he kaimahi ētahi nō roto mai o ō mātou Whare Ratonga i te Whakahaere Kōnae me te Taupaepae Mātua, ka mutu, kei ō mātou tīma kimi ika tauhou me te Tari Whaine Pirihimana.
Tētahi kokenga nui – ka whakapōtaetia te ika tauhou toru mano mai i te uru atu a te Kāwanatanga i te Oketopa 2017, e manawanui ana kia nui ake te aroākapa o Ngā Pirihimana.
Nā te tautoko ā-pūtea mai a te Kāwanatanga ka taea ētahi anō pirihimana ki ngā hapori o Aotearoa hei ārai i te hara me te mahi tūkino. Kua whai āheinga Ngā Pirihimana kia tipu te matarautanga o te aroākapa o ngā pirihimana.
He kaiārahi a Kairangi o te Rāngai Linda Clark mō te rāngai. He tino rōia ia, ā, he mema o te Komiti Whakamanawa me te Tūraru o Ngā Pirihimana, me tana tohutohu motuhake e pā ana ki ngā raru rautaki.
KA MUTU
